خلونه نبني الوطن ياناس خلونه
وانزيح عنه التعب وانفرح اعيونه
مرت عليه اشكثر........
متعوب كضه العمر......
وينه اليشيل الحمل وايريح امتونه؟؟
خلونه نزرع ورد.....
وانشيل معنى الحقد...
جيفن وطنه شرف والواجب انصونه
الطائفيه وثن...
نصبوه النه ابهالوطن...
لا مانعبده ابد همه اليعبدونه
خلونه نصحه الصبح...
ناسين طعم الجرح...
وابايدنه ابكل كتر نمسح اثر لونه
خلونه نرسم فرح خلونه نرسم خير...
وانعيد فوك الشجر عش ظل يحن للطير...
وانحب ابونه صدك وانطم بدينه البير...
خلونه ننسه المضه او ننزع اهدوم السود...
واللي هجرنه امس انكله يمنه ايعود...
مسموح عطر الورد ممنوع يابارود...
مجروح هذا الوطن يرادله العونه...
خلونه نرسم طفل مايعرف اجروحه...
اومايلعب ابقاذفه يلعب ابمرجوحه...
ليش البلابل تضل عالشجر مذبوحه...
او بالخوف تبقه غصب بالموت مرهونه
خلونه نبني وطن مابيه كلمة موت...
او بالخشب نرفع وتد ما نبني
بيه تابوت...
الصوت من ينحبس يرجع يصيح الصوت...
خلونه نبني الوطن ياناس خلونه.......
وانزيح عنه التعب وانفرح اعيونه__________________
الأحد يناير 27, 2008 8:56 am