منتــــــديات شمس بغداد

منتدى الفن والموسيقى والترفيه
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 ابيات الابوذيه

اذهب الى الأسفل 
كاتب الموضوعرسالة
سيف النعيمي
المدير العام
المدير العام


عدد الرسائل : 172
تاريخ التسجيل : 22/11/2007

مُساهمةموضوع: ابيات الابوذيه   الإثنين مايو 05, 2008 3:18 am

خيلهه
علي امست رزاياكم خيلهه

بسبب غايب يهل الوادم خيلهه

وحك الحره من ندبت خيلهه

بشفاعته اطيب امن الأذيه

سفره

نويت أرحل واروح بعيد سفره .......................... سفر

وعسى الظلمة تصير وياي سفره.............................. ضياء

اغيب وارجع آنه أردود سفره ................................. سوف أرى

ردود ألكم أردلهه بتحيه

يوجعنه

يل المكلب المواجع يوجعنه

وزاد الهم صفالي يوجعنه

ندعي بكلب موجر يوجعنه

الباري وي البشر مثل الرعيه

علمنه

بعد شيفيد ياجامع علمنه

ولونه وغيرو حتى علمنه

وينه الياخذ بثاري علمنه

درب النور وين اهل الحمية

بعدنه

بعد بينه الجرح ينزف بعدنه

ومن أهل الشيم دهري بعدنه

بغربه وبس عليل يون بعدنه

مشه وي الظعن والعله خفية

وهدنه

عكبكم نوح ما ابطل وهدنه

ولادهري اشتمر عنه وهدنه

بحرابه ولارحم عنده وهدنه

عرفنه الجور بارض الغاضرية

يمرنه
بعد مامش خبر عنهم يمرنه

فوك الجرح ضل يحرك يمرنه

سكنت الريح عكب اهلي يمرنه

وسهام الدهر كل لحظة رميه

بس نوح

نحيل الجسم من فركاك بس نوح

وأكضي الليل كله عليك بس نوح

اليشيل الحمل عني يجوز بس نوح

إذا جاب السفينه وفزع ليه


وسفينه

يدنيه شكثر منج وسفينه

وصرنه الخوص بيدج وسفينه

نوح أمنين اجيبه وسفينه

التشيل أحمولنه الطاحت سويه

من نوح

أنوح وأمن أنوحن اذب من نوح

على الضعنه غفل بالربع من نوح

فزعه من البشر ما ردت من نوح

تعذر والسفينه موش اليه

عيدي

مرني العيد كال اليوم عيدي

وكلامج ما أفهمه اشبيج عيدي

اكله تهون يل المبعد وعيدي

يجي اليوم الكلام ترده اليه

لمحنه

حبيبي بشوك للحب لمحنه

مر وعيوني شبحن لمحنه

شفته وروحي هامت للمحنه

لأنه بروحي صار شولن بيه

__________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://loveiraq.ahlamontada.com
 
ابيات الابوذيه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــــــديات شمس بغداد :: ~*¤ô§ô¤*~منتدى الشعر~*¤ô§ô¤*~ :: منتدى المواهب الشعريه-
انتقل الى: