حبيبتي بغداد

موضوع: حبيبتي بغداد الإثنين فبراير 18, 2008 2:13 am

حـبـيـتـي بـغـداد
أحب أسمج وأحب ذكرج وأظل دوم أنادي أنتي الحبيبة اشصار ما صار
عـزيـزة وغـالية والحـب مضمـوم بقـلـب صابر يريـد علـوم وإخبار
يرف قـلبي عـلى أسمج مـع النوم ومـن أفـتـح عيوني اسأل اشصار
أنا عاشق ومغـرم هايــم الـيـوم ومـن يعشك تـدور برأسه أفكار
الحبـيـبة سالمة لـو تحمـل هموم مثـل هـم البقلبي وفـكـري محتار
أحس بيها حـزينة ولابسة هـدوم سواد ومحزنـة الـخـلان والجـار
بعـد ذيـج ابتسامتها اسمع الـبـوم تصيح وتـنـتحب من بين الأحجار
غدروها وزال ذاك الحسن يا كـَوم وصارت تـشتعل بالحـقـد والنار
يظـل قـلبي يحـن لسمج والرسوم وتظلين الحبـيـبة رغـم الإعصار
أظـل ألهج بإسمج حـبي معـلـوم وأظـل انشد علـيـج وأكتب إشعار
وأظل أدعـو الهي تـزول الغيوم وأظل أنطـر اخـبارج لـيـل ونهار
ويكـف الأجـنـبي شرّه والسموم وتـفـرح لي ألأحبه زغـار وكبار
كبر حبج بقلبي وسري مضموم ويسألوني على أسمج وانطي أعذار
يسألوني عن أسمج ليش مكتوم أكـَول بقـلـبـي حـبـّج ويا الأسرار
أغـار مـن النسيم إن هـب والغيوم إذا مــــرّت عـليـج وتـركـت آثار
أريد اليوم أهـتـف وارفـع اللـوم وأنادي بأعلى صوتي كل الأخيار
الاحبها يا ربع من كـَبل واليوم بغـــداد الاسم مـا يـنـفـع إنكار
__________________


	عراقيٌّ أنا وأحِبُّ أهلي من الفيحاء حتى أرض زاخو حمدي الراوي

drawFrame()