شلونكم يا اعضائنا الكرام انشاءالله تكونون بالف خير
اليوم حبيت انقل لكم محاوره بين حبيبين
هو
علي ثوب الونين شكثر حالي
شباب وهل شبت من دون حالي
انشدج على احوالج مثل حالي
طايح والهموم تشيل بيه
هي
هموم هواك ما خلن علي حال
فريضه وحبك من الله علي حال
يالتنشد على حالي علي حال
شيفيد النشد على الصار بيه
هو
الج بس انتي كًلبي ورجيته
ودمع العين يمج ورجيته
ابتعد كلمن نخيته والرجيته
ولا واحد اجاني وحن عليه
هي
رعيتك ليش كًلبك ما رعاني
ويهمك فت دليلي وما رعاني
مره احبس بدمعي ومره اعاني
ومره اتطيح روحي بين ايديه
هي
هجرك يا ولف صاير بلا حد
مثل سيف اليكًص ركًبه بلا حد
رحت وانا انتضر ترجع بالاحد
اجه الاحد ويمته تعود اليه
هو
احد سجين صبري وجن ولا حد
التفت وما شفت ربعي ولا حد
شجم سبت اليمر بيه والاحد
اجي بس شوفتج تصعب عليه
هي
لا تهم بالعمر خلصان وحده
وانا ضعني سرى بالهوى وحده
حلت جنها بعيونك غير وحده
وكمت لا تسال ولا تمر عليه
هو
غيرج ما حلى بعيني ولا طاب
ولا دونج دخل كًلبي ولا طاب
يجرحي وياج ما هود ولا طاب
دم ينزف ولا تدرين بيه